در این ملاقات سفیرجمهوری تاجیکستان بر تقویت و گسترش روابط میان دو کشور تاکید نموده و ضمن یادآوری مبارزات و شجاعت مردم افغانستان در جهاد و مقاومت گفت برای کشور متبوعش نزدیکترین و با اعتمادترین همسایه افغانستان می‌باشد که بخاطرتأمین امنیت آن تاجیکستان از دوسال قبل تلاش نموده تا جمهوری فدراتیو روسیه را متقاعد سازد که چرخ‌بال‌های جنگی و سلاح های سنگین را دراختیار افغانستان قرار دهد. رئیس مجلس سنا از همکاری، کمک و همسایگی نیک تاجیکستان دردوره‌های مختلف ابراز قدردانی نموده گفت افغانستان برای گسترش روابط خود با ممالک همسایه به ویژه تاجیکستان اهمیت فراوانی قایل می‌باشد و اطمینان می‌دهد که هرگز از خاک افغانستان، به منافع کشور دوست تاجیکستان ضرری وارد نخواهد شد زیرا نیروهای دلیر امنیتی کشور توان نابودی تروریست‌هایی را که ازسوی پاکستان حمایت می‌گردند به خوبی دارد که نمونه آشکار آن سرکوب تروریست‌ها در استان کندز می‌باشد. همچنین رئیس مجلس با اشاره به روابط تاریخی و فرهنگی میان دو کشور خواهان توسعه روابط تجاری، فراهم آوری تسهیلات در زمینه صدور ویزا برای تجار و بیماران، تحکیم روابط وتبادل هیئت های پارلمانی و مبارزه مشترک با تروریسم و قاچاق موادمخدر گردید.